藝人吳綺莉女兒吳卓林同女友Andi早前流落加拿大街頭，仲要拍片求助，而尋日佢終於喺社交網蒲頭留言大讚女友。
呢對情侶今日又喺社交網更新，見到兩人喺社交網話訂咗婚添，卓林仲話喺今年五月宣布喺多倫多開咗間叫「UCHU hause」嘅公司，見公司入面設有攝影棚。
仲列明收費及服務，佢哋更加擺埋攝影棚嘅平面圖，原來都只係得13.5呎X7.75呎，睇嚟唔係好大喎？而佢同Andi都自稱係「BOSS」，兩個人一齊拍住上，唔知係咪想重新開始呢？
卓林社交網
Andi社交網
除咗公司之外，無論卓林定係Andi都不約而同喺噚晚刪走大部份fb上嘅貼文及同時更新個人頭像，似乎意味住九月一號呢個日子就係佢哋喺加拿大嘅新開始。
有埋宣傳照
(on.cc)
