息影多年終於復出拍劇。之前已經有報道話佢將會客串《再創世紀》，今次佢會同鍾嘉欣有唔少對手戲，喺噚晚播映嘅第7集裡面，終於見到佢正式登場！
李婉華喺03年同男友李守正結婚，婚後移居溫哥華，之後好少喺香港嘅螢光幕見到佢嘅蹤影，o依家佢除咗喺當地電台主持節目外，其餘時間相夫教子，過住幸福嘅家庭生活。
但係話晒都係演員出身，點都有戲癮發作嘅時候。息影多年嘅李婉華，終於復出拍劇。之前已經有報道話李婉華將會客串《再創世紀》，今次佢會同鍾嘉欣有唔少對手戲，喺噚晚播映嘅第7集裡面，終於見到李婉華正式登場！
話說鍾嘉欣知道林文龍係迷你債券設計人，認定佢係間接害死自己爸爸媽媽嘅兇手，所以最後決定分手，之後嘉欣專注佢同朋友創立嘅生態村工作，繼續推動環保。而李婉華就係嘉欣嘅同事，大家同樣都係熱愛環保事業，因為生態村人手短缺，本來李婉華介紹自己個侄去打工，點知個侄寧願去做金融搵快錢，嘉欣聽到之後，即刻諗起林文龍。之後嘉欣同林文龍喺溫哥華相偶，結果梗係又嗌交收場。
今年已經50歲嘅李婉華，雖然已經係三子之母，加上又有一段時間冇拍劇，但係外型一啲都唔輸蝕俾只有34歲嘅鍾嘉欣，甚至同20幾年前嘅外貌分別不大，演技方面亦唔見有生疏，難怪唔少網民對佢讚不絕口，果然薑係越老越辣！
留意番，《再創世紀》依家未喺無綫播住0架，係大陸飲頭啖湯先0架，即係央視CCTV8及愛奇藝！
(蘋果日報)
