今日出席美容院剪綵活動，講到有不少網民大讚53歲的她保養得宜，於復出劇《特技人》中亮麗演出，她開心表示多謝網民讚賞，又坦言都擔心成20年冇於TVB做戲，驚大家唔鍾意：「好彩反應好好，劇中有個30幾歲嘅仔，自己未結婚、未生過、未試過湊咁大（個仔），都有問Auntie點同啲仔仔相處，做定資料搜集。」
相隔20年再度在無綫劇集中現身的楊玉梅出場，她在劇中飾演關楚耀後母，盡顯闊太風範！53歲的她一向保養得宜，穿上晚裝大方得體，身材Keep得好Fit。
講到保養心得，藝人楊玉梅（Strawberry）指私下不煙、不酒、不賭、不吃辣，自己亦有瑜伽牌，不過最近因為太忙而沒時間練習，又透露正修讀營養學：「未畢業，要讀好耐，依家屋企都係食有機食品，會食清淡啲，但出街就另計。」她指北上拍戲都會自備「私伙」煮食用具於現場「開壇」，笑話行李經常超重被罰錢。
拍住後生女都無問題
問到劇接劇如何分配時間打理飲食集團生意？身為老闆的她直言餐廳已上了軌道：「都十幾年，所以唔使點理，依家傾緊一啲嘢，遲啲先再公布。」
（on.cc）
