藝人趙頌茹（Yu）出席美容院剪綵活動，育有兩個女的她表示放暑假期間因湊女而無暇做Facial，仲自爆有神經痛：「平時都會趁做Facial休息吓，又唔使諗咁多咁煩嘅嘢。（有咩煩？）今日係細女第一日返小一適應班，雖然已經係第二個女返小一，但原來都會緊張，就偏頭痛，食止痛藥都解決唔到，有壓力就會咁，同自己講冇嘢嘅、冇嘢嘅就好番，有好多事都冇嘢嘅、冇嘢嘅⋯⋯」
過去嘅嘢唔好成日提
記者追問是否對前夫周永恒近日哭求原諒都「冇嘢嘅」？Yu無奈指其實之前都回應過：「過咗去嘅嘢就過去啦。（呢件事之後有搵過你？）佢從來都好少搵我嘅，咁佢哋都係同你哋（傳媒）溝通多啲，希望佢嚟緊所有嘢都好啦，都覺得過咗去嘅嘢就唔好成日都再提啦。」
借助傳媒和對方傾偈
問到可會覺得對方經常透過傳媒發聲是炒作新聞？Yu坦言自己都有借助傳媒和對方傾偈，所以不能夠這樣說，認為藝人同傳媒都有關聯，不過她就再重申事情過去就不要再提：「可以嘅話都會祝福佢哋。（佢叫你原諒佢，咁你原唔原諒？）我答咗啦！」
停頓幾秒後再「兜圈」迴避話：「我信耶穌嘅，信仰都係話認罪、悔改，我自己都學習緊，好多嘢都可以靠行為畀大家睇，總之就祝福佢哋。」
(on.cc東網)
