台灣女星林志玲感情狀態一直成謎，同言承旭又纏繞10幾年，不過佢早前就澄清係單身，令唔少網民都希望快啲搵到好歸宿！
尋晚佢就同台灣星座大師唐綺陽一齊玩facebook直播，大師直言志玲2020年好事近添，佢話：「2019年尾婚運開始，談論婚嫁、找場地，2020年成。」大師仲表示可能會有人突然求婚，或者親友不斷催婚，不過佢叫要志玲唔好因為咁感到心煩：「這會是活化，感情狀況就不會一直膠着在那。」
唔通志玲終於可以撇甩「黃金剩女」封號，喺2020年結婚做人妻？兩人仲勾手指尾約定，唐大師笑言：「我講出來了喔，再嫁不出去就是你的問題了唷，全華人都在等這一刻。」志玲怕醜咁話：「我會努力幸福的！」
大師堅定表示：「你不要努力，讓那個人來努力，他快出來了，就快找到你了！」究竟對象係咪言承旭？相信到時就見分曉喇！
(on.cc東網)
