藝人陳浩民經常要返內地工作，老婆蔣麗莎一個湊四個仔女，真係少啲心機都唔得呀！
呢日蔣麗莎帶細女去溜冰場溜冰，點知就疑似發生「中港矛盾」，同一名女士展開罵戰。原因係咪因為土地問題？！
蔣麗莎先後喺微博上載咗兩段片，片中蔣麗莎冇上鏡，只見到一名束住金髮辮嘅女士勞氣地話：「你想坐OK你講，冇問題！」蔣麗莎聽到就話：「真係夠晒離譜！呢個位畀佢擺電腦。我依家抱緊小朋友呀！」金髮女子就指蔣麗莎坐上佢個袋上面。
而另一段片，有小朋友因為着溜冰鞋要坐低，蔣麗莎就叫佢坐過啲，唔好坐到部電腦：「佢話有好貴重嘅嘢喺裏面，呢張櫈唔係畀人坐，係畀佢個袋擺電腦。」
金髮女子繼續話只要蔣麗莎出聲，一定會讓座：「係佢自己盲咋嘛！」不過有其他小朋友要換鞋，金髮女子依然冇讓過座！難怪激到蔣麗莎話：「所有小朋友change shoes都喺呢度，你郁都唔郁。咁樣嘅香港人好犀利，完全冇公德心。」
蔣麗莎接受訪問，透露帶同四個小朋友到溜冰場，因女兒需要換鞋，她在手抱一個小朋友的情況下找位置幫女兒換鞋，突然被一名女子指罵說：「你要坐低就講啦！我電腦喺裏面好貴㗎！」又拒絕讓座給她。蔣麗莎指自己沒有坐到對方的袋上，自己亦只坐座位邊邊，認為對方不應佔用公共座位：「我同佢講呢個位係畀人換鞋，佢完全唔理我，之後就好似片段咁樣開始鬧喇！」
蔣麗莎囡囡都冇位坐~
問到老公陳浩民是否已知道事件？蔣麗莎說：「老公還不知道，他在大陸拍戲。（擔心掀起中港矛盾？）這個與中港矛盾完全扯不上邊，這個是個人素質問題，她並不能代表全香港人她也沒有這個『資格』。我只是就事論事，公共區域不是她家，經過一番理論後她依舊用她的包包霸占公共換鞋區域。我們在地方是很多小朋友滑冰的地方，你能看到後來陸陸續續有老人家，小朋友都有去座，她完全當作沒有看到。還當著我家孩子們的面罵粗口，說我是『八婆』很失禮。公道自在人心，我只對事不對人，今天不管是香港人，美國人還是日本人，我一樣會出聲！」
(on.cc)
