藝人張繼聰出席電影慰勞宴，他表示新戲是講鬼的喜劇：「唔係驚慄鬼片，係類似80、90年代嘅港產喜劇鬼片。（怕唔怕大陸上唔到？）要問番公司，但一定有方法嘅，有幾個版本。」他亦謂電影提醒大家，反思人死前會怎樣把各樣事情及身邊人排次序。
張繼聰盛讚邵美琪是她心中的美女天仙，自爆對方出道時已經常看其演出，甚至連功課也不做！又指老婆謝安琪也不會反對他讚邵美琪很「索」。
表示：「我同佢合作拍過劇，對咗5、6個月，所以都熟。」他又大讚對方美若天仙：「盡量模仿，今次唔想醜化佢。（你咁讚佢，咁老婆謝安琪算咩？）今日唔好講佢住，我諗老婆都唔會反對。」
他亦謂一直很欣賞邵美琪：「又靚、演技又好。（幾時睇佢啲劇？）佢一出道我就睇，睇住佢大，細個功課都唔做就係睇佢，覺得佢好索，到依家都係，同佢合作好開心。」
不知道老婆謝安琪會不會生氣呢！？
（綜合報道 / on.cc / sina）
