藝人陳家樂與衛詩雅到銅鑼灣，出席大家樂「粒粒力量LOVE LOVE香港」惜食活動啟動禮，談到飲食習慣，原來二人都喜歡光顧快餐店。
衛詩雅初戀男友做到足
詩雅相當幸福：「我初戀男友就做足嘅，仲貼心到篤完幾吓畀我試味先，不過當時我仲細，得17歲，唔係好識嘢。」家樂坦言之前的另一半都肯食快餐店：「其實個個都肯嘅，都係過時過節先食好嘢。（依家仲有冇去快餐店？）有，尋日我戴住口罩搭枱，對面個媽媽抱住個小朋友，佢指住我大叫爺爺添，估唔到咁都認得我。」
詩雅即爆料：「我3歲個姪女同我Facetime（視像對話），一見到家樂就都係大叫爺爺，我呷醋！（好彩唔係叫姑丈。）睬，講呢啲！」
家樂更自爆：「我中五嗰年同女友日日去快餐店食下午茶，結果三年後佢同我分手，話我從來冇幫佢篤過檸檬茶，依家佢搵到個會幫佢嘅！」
食唔晒靠朋友
席間家樂與詩雅與舞者齊齊跳「惜食舞」，呼籲大家以後點餐要識叫「少飯」或「半飯」，大家樂每客將捐出3元給食物銀行及平台，惠及有需要人士。自認「飯桶」的家樂自言每餐最少食兩碗飯，反而詩雅則笑說：「我每次都食唔晒，以前就會撥畀男友食，食到我媽咪都話佢肥咗，但依家就唯有靠家樂呢啲朋友幫手，有咗『少飯』呢個計劃真係啱晒我。」
(on.cc東網)
