賭王千金何超盈等，昨晚喺灣仔出席「香港青年聯會第26屆會慶及會董會就職典禮」，何超盈獲委任為青聯名譽副主席，林顯伊笑言今年升職做咗青聯副主席，佢話幾年前開始入會，慢慢升上去，不過因此忙咗，而家忙緊屋企地產生意，佢話：「而家忙緊賣樓，有好多樓盤推出。」佢仲話忙到連旅行都冇時間去。
另外，胎B 8個月嘅蔡一鳳（Michelle）現身就職，佢話10月18日擇日開刀，心情好緊張，不過就嚟「卸貨」，有啲唔捨得，仲話BB日日都踢佢好百厭。Michelle透露重咗11公斤，冇因為懷孕而停工，相反佢仲忙緊明年1月嘅大型慈善活動，到時會請韓星Rain鄭智薰同Jessica等嚟港出席。
Michelle話：「個慈善機構5年前喺澳門成立，依家想喺香港做番啲嘢，咁啱1月26號舉行晚宴嘅時候，啱啱係BB百日宴，好開心，到時會將啲禮金捐出嚟，當係幫BB積福。」
(apple daily)
