藝人楊怡同羅仲謙拍拖5年終於喺2016年10月2日結婚，婚後不時高調晒恩愛，人前人後都咁Sweet，簡直羨慕死人。
今日係羅仲謙（謙仔）34歲生日，老婆楊怡就為佢搞咗個驚喜嘅生日Party，一眾親友都有到場。
之後，謙仔喺IG晒相兼留言：「跟阿怡＠tavia_yeung一起開生日會❤，難忘的一個晚上，多謝各位朋友的祝福，感激感激，希望大家天天都笑口常開😘🎉😜😎」
相中見佢哋一行人去咗Party Room玩，壽星仔謙仔同楊怡一時扮相撲手，一時又喺波波池入面深情對望，到切蛋糕時，謙仔仲攬實老婆玩錫錫，認真Sweet爆！
(on.cc東網)
