模特兒郭穎兒（Celia K.）日前為老公李冠鋒誕下第二胎。
天下間有邊個母親唔緊張自己仔女？再度榮升為人母嘅Celia，今日下午喺社交網發長文透露接囡囡Lia出院時，發現佢面上有一條2.5cm長嘅血痕。
佢留言：「當我問姑娘點解會咁樣嘅時候，佢第一句答我乜醫生冇同你解釋咩？佢自己指甲整親自己。BB天生嘅指甲係軟嘅，指甲亦都好薄好薄，整親自己當然係絕對有機會，但係一個咁粗咁深嘅傷口，係一個出世幾日嘅BB指甲刮到咁樣？」
原本好靚女架！
Celia仲話事後有致電醫院了解，而院方嘅回覆依然係話BB自己整到，續留言：「當時姑娘回覆嘅態度係理所當然，更加，如果係人為疏忽，每個人都有唔少（小）心嘅時候，一句道歉我覺得可以接受，絕對唔會加以追究，但並不是理所當然推卸責任嘅回覆。」
（on.cc）
