港姐今晚就舉行喇，今屆港姐聽得最多嘅，唔係邊位被爆前科，或者邊個曾經整容，而係一班港姐出遠門，由西貢去到澳門拍外景，同埋港姐司儀最終會花落誰家。
冇錯，今屆港姐話題，焦點長期落咗去獎門人曾志偉度。佢先係「過檔」幫ViuTV主持世界盃節目，又喺活動笑港姐去西貢拍外景「乜咁遠呀？」，懷疑因為咁，志偉早前出活動，就笑住認大台搵都唔搵佢，仲話要四圍去求職。
咁唔搵獎門人，司儀呢份工邊個接手？答案係…一開九，昨日大會派通告，司儀名單包括Do姐鄭裕玲、陸永、C君、蕭正楠、曹永廉、陸浩明、麥美恩、麥明詩、馮盈盈，即係除咗Do姐壓場，其他都係大台近年新晉司儀。
Do姐鄭裕玲、陸永、C君三人今晚再合作
熱播清談節目《後生仔傾吓偈》三個主持都有份！
麥美恩口才了得
而一向認叻嘅陳百祥，之前話志偉唔喺度就唔使阻住，結果阿叻獲派擔任星級評判團，其他評判就仲有朱千雪、呂慧儀、王君韾、蔡思貝、張寶兒等港姐前輩。
呢個港姐司儀三人組合拆伙？
（apple daily）
