有人恭喜佢雙喜臨門，原來即將告別單身，就快結婚！一對準新人襯晒牛仔褲同牛仔裙，一齊拎住「09.10.18」嘅飾物，宣佈咗大喜日子。。。
「新聞之花」張文采，曾經同大台藝人羅鈞滿拍拖，分手之後感情生活變得低調，但今年5月佢同其他舊同事補祝33歲生日，有人恭喜佢雙喜臨門，原來張文采告別單身，就快同消防員未婚夫結婚！
有傳媒影到張文采同未婚夫嘅擬結婚通知書，兩人都居於將軍澳，但就分別住喺唔同屋苑。其實喺5月嘅時候，一對新人已經去咗日本輕井澤影過結婚相。
《蘋果》今日就喺網上見到另一張新相，一對準新人襯晒牛仔褲同牛仔裙，一齊拎住「09.10.18」嘅飾物，宣佈咗大喜日子，而張文采回應傳媒時就好簡單話：「多謝關心。」
(蘋果日報)
