【Mandy Lieu低調咗】洗米華洗米嫂激罕曬親密合照!

    太陽娛樂揸弗人周焯華(洗米華)同Mandy Lieu爆婚外情後,正印陳慧玲幾乎同佢離婚,經過一番努力,終於勸掂老婆,兩公婆感情今年明顯係有好大改善,而Mandy呢輪明顯低調咗,洗米華同老婆感情先會有得改善下。

    今個月中佢哋又一家人聯同黃柏高(Paco)一家三口、太陽國際現任主席鄭丁港齊齊去咗俄羅斯旅行,直至今日先玩完回歸澳門。

    聽講佢哋幾家人於11號抵達到俄羅斯,原來嗰日係洗米華個仔周柏豪嘅21歲生日,所以佢哋到埗當晚就已經幫個仔搞咗個生日會,聽講洗米嫂好有心,一早同餐廳預訂好生日蛋糕幫柏豪慶祝。

    佢哋幾家人喺俄羅斯旅遊10日,期間不時有成員將照片放喺社交平台,見到洗米嫂同老公洗米華都親密坐埋一齊影相,唔似之前大合照都要隔住幾個人。

    Paco都放咗一啲參觀軍營嘅相出嚟,佢同俄兵、坦克合影,又攞住真槍嚟影相,好威武下!

    而洗米嫂揸住槍都好似變身做咗女Rambo咁。

    (蘋果日報)

    SHARE