34歲前港姐陳倩揚喺10年嫁畀從事科學研究嘅陳浩然，二人八年抱三，先後生了一對兒子，分別係7歲多長子陳羲廷（Auryn）及3歲多二子陳羲穎（Audrick），兩夫妻都恨女，陳倩揚上月中追女成功，誕下孻女陳希桐（Aurella），一家五口開開心心。
陳倩揚噚晚喺社交網貼出囡囡滿月相，佢將囡囡扮成粉紅色小公主，而媽咪則穿上紅色花裙，母女襯到絕。陳倩揚仲為囡囡了有粉紅色鞋仔嘅蛋糕，再佈置好會場，佢抱住囡囡影相，感覺溫馨。
陳倩揚分享咗照片後留言：「妹妹上星期滿咗月啦，初生呢一個月都算輕鬆過度。但每次同妹妹換片片或洗白白時，見到逐漸build up嘅米芝蓮肉肉，媽媽即刻覺得就算幾眼瞓、膞頭肩頸幾痛都抵嘅！呢一個月完全跟足陪月姨姨嘅坐月食療，每日三餐、湯水、代茶、燉品等等絕無欺場，未諗過『減磅』呢兩個字，最緊要養好身體，建立好妹妹嘅糧倉，減肥並不急於一時嘛。」相中所見Aurella真係幾有肉地，好可愛。陳倩揚已準備下月恢復幕前同主持工作。
(apple daily)
