【遺憾趕唔切送帖畀盧凱彤】卓韻芝：自己個心好想靠近佢

才女卓韻芝（阿芝）跟盧凱彤（Ellen）是好友，盧凱彤臨終前還給她「最後遺言」相約她與小肥出來飲嘢，阿芝因下個月（9月）結婚，為免紅白相沖，最終亦沒有出席盧凱彤的喪禮。

今日阿芝到將軍澳為ViuTV的《Good Night Show全民造星》節目探班錄影，亦是自盧凱彤出事後首次公開露面，問出席不到盧凱彤的喪禮是否一個遺憾？她說：「我個心好想去，又覺得去到都幫唔到大家啲乜，無論喺心情或者喺身後事方面，自己個心好想靠近佢。（係咪婆婆唔畀你去？）除咗婆婆，仲有好多長輩都話去咗唔知啲媒體同旁觀者點講，不如喺屋企喇，好感恩未婚夫喺呢段時間扶持住。（你下個月結婚原先係咪有預請佢飲？）有預佢，之前印咗帖送咗嚟屋企，留咗張畀佢，但趕唔切送畀佢。」不過今次做這個節目，令她得到好多正能量，明白到人生好多事是無法估計，不要鑽牛角尖。

在場看到阿芝明顯見消瘦，不過精神尚好，笑容滿面的她說：「今日見到劉美君好開心，因為小學時成日聽佢啲錄音帶大，我有搵佢集郵，但唔敢集咁多次，怕阻住人哋。」提到她消瘦了，她說：「係呀，因為要結婚嘛！」不過她承認之前因盧凱彤的去世，令她不開心消瘦了，她說：「依家收拾咗心情，有好多正能量，同自己講唔好唔開心，要向前行。（冇去佢喪禮？）係呀，去唔到，惟有喺屋企悼念佢，其實佢事發後我係好頹，仲頽咗一段時間，幸好自己冇情緒問題、冇情緒病，所以唔擔心。」

相關新聞：

【叮囑盧凱彤要多吃點】林二汶悼念：你崩潰，然後我抱緊你 https://goo.gl/aTLVKp

【盧凱彤設靈】遺孀余靜萍臉頰凹陷憔悴 https://goo.gl/jYh9Vz

【盧凱彤告別人間一星期】Ellen生前摯友何韻詩首發文 https://goo.gl/nHP8uP

【盧凱彤公眾告別禮】沉痛表示：再見 永遠十七的阿妹 https://goo.gl/VFhusC

【二汶雙手合十見傳媒】遺孀余靜萍首發言：我們都要堅強 https://goo.gl/sTE1s4

（on.cc）