呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」
藝人李施嬅近日聯同幾個好姊妹姚子羚、胡蓓蔚同陳自瑤，齊齊去咗馬來西亞拍攝節目。難得可以出埠拍攝，佢哋當然好好把握機會寓工作於娛樂，順道喺當地遊覽啦！
呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」其中一張相佢哋淨係做「影後」，四女背向鏡頭坐喺度鬥大籮，構圖搞笑！
而另一張相中，佢哋就一字排開擺甫士，而每人腳下都刻有唔同嘅英文字，姚子羚係「Pretty」，陳自瑤係「Cute」，李施嬅係「Gorgeous」，而胡蓓蔚就係「Hot」，李施嬅仲搞笑咁問粉絲認唔認同呢啲字添！
(on.cc東網)
