早前出席錢國偉同陳宛蔚囡囡嘅百日宴時，被發現腹部微隆，原來當時已經懷孕5個月兼已經結婚，昨日趁七夕首度公開婚照好Sweet啊。。。
曾介入導演彭順與李心潔婚姻嘅李悅彤(Liddy)，早前出席錢國偉同陳宛蔚囡囡嘅百日宴時，被發現腹部微隆，後經《蘋果》證實，Liddy當時已經懷孕5個月兼已經結婚，而佢嘅老公就係澳門富商鮑偉業（Ivan）喇，而身懷六甲嘅Liddy，並未有做少奶奶，仲喺葵涌開咗生活家品店，而之前《蘋果》更影到老公Ivan好sweet咁去接Liddy收工㖭。
昨日係七夕節，Liddy更鮮有咁喺社交網貼出同老公Ivan嘅婚照，背景後面有鐵塔，Liddy坐喺石壆上，拖住老公Ivan影相，真係好Sweet！
而Liddy就留言祝大家七夕節快樂！
