藝人鄧麗欣自從認愛台灣藝人邱勝翊（王子）之後，一改以往拍拖低調嘅習慣，不時喺網上晒恩愛，就連網友都畀佢閃到頂唔住，笑佢好似中咗「放閃毒」一樣！
尋日就係七夕中國情人節，佢又點會唔趁機會騷吓恩愛！
鄧麗欣喺社交網甫咗一張合照，不過就用emoji公仔咕𠱸遮住咗個樣，佢仲留言話：「聽說…兩個人最遠的距離是我在你身邊你卻看著手機，如果彼此珍惜每個相處的時間，儘管牛郎織女一年一會，心的連接依然不斷，七夕情人節快樂。」
而王子喺鄧麗欣個甫度留言時，用咗相同嘅emoji公仔做開頭：「happy Chinese Valentine’s Day my girl.（情人節快樂，我的女孩）」
除此之外，王子亦喺自己嘅社交網度宣傳鄧麗欣有份主演嘅新戲，唔少網民大讚王子咁做叻仔，既可以一放閃又可以幫手宣傳，真係一舉兩得。
(on.cc東網)
