對前夫周永恒（Roy）再做爸爸，雖然趙頌茹表示大家各有各生活，與她無關，但她表示會祝福他。而Roy談到再為人父，他說：「多謝關心，太太預產期係9月4日，佢會喺香港生B，其實佢喺香港生活咗一段時間，佢仍然要做嘢，香港大陸兩邊走，我簽咗新公司會重新出發。」
而他現任太太陳薇則透過短訊回覆東網，繼續護夫說：「佢冒住又有可能畀人抽水、抨擊，都要正面咁面對番4年前嘅傷疤，我覺得佢好勇敢亦都好正面。因為舊事從提令佢患有嚴重抑鬱，輿論嘅壓力真係好恐怖。」
但她慶幸有不少聲音扶持老公，她說：「希望佢走得返出嚟。私底下都有唔少人為佢打氣，所以佢更應該做番好自己，盡一個爸爸應有嘅責任。父母嘅身份係改變唔到嘅事實，佢始終係兩個囡囡嘅爸爸，呢個責任係一世嘅，我吔都有共識希望佢會補償番畀佢兩個囡囡，而我都好希望佢同佢前妻保持良好嘅溝通，將來小朋友生活上成長上有任何問題都需要雙方解決，望舊事告一段落，大家都可以有新嘅篇章。」
(on.cc東網)
