木村拓哉同工藤靜香悉心培育兩個寶貝女成材，兩個乖女由外形到天份都盡得父母真傳。木村細女光希（Koki）今年強勢出道，入行未夠三個月，廣告身價已升至3,000萬日圓（約210萬港元），屬於A級藝人待遇，仲威到被意大利珠寶品牌Bulgari起用成最年輕嘅宣傳大使。
有報道指，受到妹妹Koki爆紅嘅衝擊，17歲家姐心美似乎入行亦都指日可待，事關一直有藝能事務所望斟心美入行，條件完成唔輸蝕妹妹，早被視為最搶手星二代，而木村同靜香多年來希望囡囡專注學業及進修音樂，為心美鋪路做個音樂家。
事實上，心美係個天資聰穎嘅天才，在日本名校升讀高校三年級，明年5月就滿18歲，雖然Koki開Instagram後只公開家姐負責拍攝嘅照片，但網上早已流傳心美嘅童年照，比起Koki同爹哋似足餅印，相比家姐就較似年輕時嘅靜香。
(蘋果日報)
