恭喜恭喜！兩人拍拖一年，上月被傳媒拍得小腹微凸嘅相，即被追問是否即將報喜，當時佢無奈否認。不過佢同男友嘅common friend就向傳媒報料，話佢已懷胎三個月，預產期係明年二、三月，一對戀人亦準備去登記結婚喇！家陣呢位準新娘兼準媽咪已經推咗好多片段，專心待產。
台灣傳媒向35歲台灣女星陳意涵經理人王岳童求證，對方稱未收到消息，「不過意涵最近的確是在休息中。」至於導演男友許富翔就未覆。
陳意涵之前被拍到與導演許富翔一起返回台北嘅屋企。
陳意涵曾拍電影《閨蜜》，在拍《閨蜜2》期間，曾謂戲中有一場婚禮場面，仲好想將自己嫁出去。陳意涵又話，同許富翔拍拖一年，已帶男友見過父母，言談間亦感謂自己年紀都唔細，所以揀對象會開始注意「除了外表以外的東西」，其實已經講到都好白架喇！
與薛凱琪宣傳《閨蜜》（資料圖片）
陳意涵（最右）
陳意涵（左）與導演男友許富翔
陳意涵對上一次拍拖，對象係髮型師，拍拖三年。2017年分手後，被拍到與《16個夏天》導演許富翔交往。經過一年愛情短跑，就雙雙攜手踏入人生新一章喇！恭喜！
(apple daily)
