一接受訪問即爆喊，期間多次轉身抹淚。她未有正面回應：「好對唔住，對唔住。（喊到眼腫？）唔係，琴晚拍到朝早六點，同埋諗回去回應呢件事，第一次面對咁嘅問題。希望公司原諒我，希望大眾原諒我，好對唔住。」
《2018香港小姐競選》20位佳麗到銅鑼灣一化妝品店進行宣傳，（15）陳苑澄（Tania）因拍攝「Kiki Challenge」影片被指罔顧交通安全，遭到網民群起鬧爆，事件後首度露面的她明顯心情欠佳零表情。
近期網上風潮興玩「In My Feelings Challenge」，又稱「Kiki Challenge」，是網絡紅人Shiggy帶起以歌手Drake歌曲《In My Feelings》為背景音樂，拍攝原創舞步短片，引明星藝人及網民跟風，更興起升級版就是舞者開車門落地跳舞，駕駛者需慢駛方便拍片，惹道路安全問題。
成為話題人物的Tania似有備而來，一接受訪問即爆喊，期間多次轉身抹淚，六度講「對唔住」並向鏡頭鞠躬……
「我拍片時係輕率，冇諗過後果，令到觀眾有咁大抨擊，好對唔住。我罔顧咗安全，自己係有疏忽，對唔住。（畀TVB照肺？）監製何小慧有搵我傾偈，討論點去處理件事，因為始終有影響，畀咗我好多意見，依家係一個好好懺悔嘅階段。（勸你退選？）冇，好對唔住，令大家有咁多評擊，當時冇諗咁多。」
問到會否擔心負上法律責任？Tania未有正面回應 ：「好對唔住，對年青人做咗個非常唔好，好壞嘅榜樣，對唔住。（喊到眼腫？）唔係，尋晚拍到朝早六點，同埋諗回去回應呢件事，第一次面對咁嘅問題。（擔心影響選情？）希望公司原諒我，希望大眾原諒我，好對唔住。」
（綜合報道 / on.cc / headline）
