【一定要澄清】楊思琦痛斥：覺得有必要發表聲明

問可有書商邀請再出寫真集？藝人楊思琦話：「反而係Fans、朋友叫出第二集，但自己就冇呢個想法，隨緣啦！一直都有好多人問我會唔會想出其他類型嘅書，仲畀咗好多Topic（題目）我揀，又有寵物、又有親子題材咁，但比較忙啲，要花好多時間去寫。」

她接受電台訪問，表示昨日在微博發出一份聲明，指網上發現自己被露點的不雅照：「發現Key咗我個頭（上去），然後個身又濕透，又見到好多點咁，睇到都好驚，所以覺得有必要發表聲明，我係拍咗個慈善寫真，但冇拍過（露點不雅照）呢類嘅嘢，希望唔好誤會係我。（邊個話畀你聽有呢啲相？）Fans話畀我聽嘅，覺得事態好嚴重，如果啲人唔知就真係以為係我影，咁就一定要澄清。」

思琦又講到因為剛剛才發現惡搞P圖，暫時都未知相片來源，故未有確實計劃進一步的追究，目前首先要做的行動是要澄清：「就連喺邊到Post呢啲相都要再了解吓先知，網絡世界有好多多樣化嘅嘢，都控制唔到人哋點做。（第一次畀人P圖？）之前都試過，但就未試過有不雅成分，都係着住其他得意衫。呢個（不雅照）就未必接受得到。」
楊思琦微博

（微博 / on.cc）