已經懷孕七個多月嘅Coffee(林芊妤)，本月初佢就係ig度留言講到自己胎盤低，需要加倍小心護理，佢仲話如果懷孕32週後，胎盤仍未上升的話，就係胎盤前置，好大可能要開刀生B。
原來Coffee昨日再到診所覆診，佢喺社交網度留言話：「今天去檢查，黃醫生說BB頭大，但腿短而且肚子大，難道因爲我經常叫他肚腩仔，慘啦！不過肚腩仔很健康是大B，那就已經足夠啦」，有網民就留言話，其實BB大小並不是問題，最緊要係BB健康，仲有網民問BB似邊個喎！
琴日要覆診，但前一晚Coffee亦無話早啲休息喎，見佢好夜喺社交網上載咗一段短片，見到佢着住比堅尼喺洗手間度自拍，佢留言話：「同肚腩仔去游夜水～不過應該改名叫大肚腩了，#58kg#7monthspregnant」。
Coffee剛才接受傳媒電話訪問，佢透露昨日去咗做例行檢查，問到佢胎盤前置問題如何？佢邊喺跑步機步行邊說︰「醫生話唔好做啲太劇烈運動，減少啲工作就ok。」
Coffee話自己之前太忙，「可能之前太忙，又出活動、做gym、又夜瞓剪片，醫生話唔好太粗勞，我而家都教少咗班。」佗住7個月BB嘅Coffee，依家重咗10kg，問佢緊張嗎？佢話︰「唔係好緊張，想快啲生，覺得依家好無聊，我份人忙慣，依家行路都要減慢啲。」
(apple daily)
