【Lucas升中學啦~】張栢芝凌晨四點就做好準備

藝人張栢芝一向都好錫兩個仔仔Lucas同Quintus，對佢哋嘅照顧簡直係無微不至，就算整親腳送唔到仔仔返學，都會親自送仔仔搭校車。

昨日係Lucas第一日開學，栢芝就喺網上分享相片，並感慨留言：「每年這日我都特別緊張，早上四點鐘就起身幫他準備一切一切，今天第一日開學，加油啊！我愛你！看到你又大一歲了，已經不是小學生！」

相中見到栢芝為Lucas預備好校服同返學用品，二人仲嚟個搞笑合照，網民都話栢芝嘅愛錫，仔仔一定感受到，仲話Lucas大個仔喇。

(on.cc東網)