懷有身孕嘅藝人吳日言（Yan）早前去醫院做檢查，發現血糖過高，自爆患妊娠糖尿。醫生建議留院觀察，搞到要入院留醫4日。
件事令佢心情唔係好好，仲話好悶添！不過，Yan呢日就喺社交網同網友透露佢終於可以出街吃喝玩樂，並留言：「行街、睇戲、食飯，外出足足8小時，感覺好滿足！」
隨後再上載食牛扒嘅片：「終於可以食牛扒喇！」見到佢食得相當滋味，個樣不知幾開心，真係隔住個mon都知佢恨咗好耐！不過網民都叮囑佢唔好食咁多，淺嘗好，始終身體要緊呀！
中大醫學院婦產科學系譚永雄教授建議，所有孕婦在懷孕24至28周期間進行口服葡萄糖耐量測試，尤其高危孕婦包括肥胖、吸煙、血壓高、血脂高、家族有遺傳糖尿病等，以篩查妊娠糖尿病，當孕婦確診患病後需控制飲食，令血糖回復正常。
他又提醒婦女應避免在懷孕期間過分進補，孕婦每日只需額外的300卡路里便足以供應給胎兒，毋須過分增加食量。
(綜合報道 / on.cc)
