48歲嘅鄭嘉穎昨日喺峇里Bvlgari Resort Bali The CHAPEL，迎娶27歲港姐冠軍女友陳凱琳（Grace），嘉穎講到見到Grace行入教即流咗兩條馬尿，但其實佢老婆原來比佢仲想喊。
Grace婚後大講感受，佢話：「首先真係要多謝今次出席我哋婚禮嘅朋友，因為我哋都籌備咗幾個月，朋友都同我哋保守呢個秘密，我呢樣嘢真係好感激佢哋，同時間個個特登請假，好多遠道而嚟我哋婚禮，加拿大又有，歐洲又有，香港又有，星加坡都有，我見到大家咁用心，咁有誠意嚟到我哋婚禮，我哋真係好感恩，好感恩。」
一直有傳Grace今次係奉子成婚，穿上谷胸婚紗裙嘅Grace暫未見孕味，但上圍卻很豐滿。
Grace仲大爆行禮前小秘密：「今日我哋行禮前，我叫嘉穎快啲去咗教堂先，因為我唔想畀佢見到我着呢條婚紗，從來都未見過嘅……」
「當我自己着起呢條婚紗，突然之間個肚好以囉囉攣咁，好似好緊張，心跳又加速，我係去到教堂前，我聽到音樂起，深呼吸，同我爹哋一齊蹺住佢隻手，同佢一齊行入嚟，跟住嗰一刻，我見到全部人企起身去歡迎我哋，戥我哋好開心個感覺，我哋原來鋪排呢件事成事啦，跟住我行到最尾時，我已忍住想喊，但我望住嘉穎，佢已流咗一滴眼淚，我估唔到佢竟然比我早喊，自己忍唔住都想喊，所以喺祈禱時已要攞紙巾去抹眼淚，其實呢個感覺有少少現實，真係嚟到呢一刻時，好開心有一個咁好嘅老公，咁錫我嘅老公啦，我亦好期待我哋將來嘅幸福快樂，雖然我覺得婚姻其實有好多階段要經歷，但呢一刻我已覺得最開心。」
陳凱琳父母
相關新聞：
【舊愛鄭嘉穎結婚】佘詩曼：我們遠隔萬里卻惺惺相惜 https://goo.gl/NUoi3G
【咬陳凱琳巨型鑽戒】黎耀祥：佢哋都經歷唔少走埋一齊 https://goo.gl/QxtYDy
【4次多謝嘉穎】陳凱琳邊講邊喊：我同你喺埋一齊就變成我哋 https://goo.gl/bjj8JL
【即場向媽咪道歉】鄭嘉穎：你帶畀我嘅喜悅、快樂，係從來未試過 https://goo.gl/2W7JBX
【笑到四萬咁口】準新人鄭嘉穎陳凱琳琴晚已經滿場飛 https://goo.gl/gLg18S
【陳凱琳爸爸給鄭嘉穎100分】傳收無銀碼支票禮金 https://goo.gl/so7BDb
【攝影師大有來頭】鄭嘉穎陳凱琳唯美婚照曝光 https://goo.gl/mvyiqz
(apple daily)
