藝人鄭嘉穎與陳凱琳（Grace）今日在峇里舉行婚禮，兩人在眾親友見證下宣讀誓詞，Grace在誓詞中4次多謝嘉穎，更邊講邊喊、場面感人。
相關新聞：
【即場向媽咪道歉】鄭嘉穎：你帶畀我嘅喜悅、快樂，係從來未試過 https://goo.gl/2W7JBX
【笑到四萬咁口】準新人鄭嘉穎陳凱琳琴晚已經滿場飛 https://goo.gl/gLg18S
【陳凱琳爸爸給鄭嘉穎100分】傳收無銀碼支票禮金 https://goo.gl/so7BDb
【攝影師大有來頭】鄭嘉穎陳凱琳唯美婚照曝光 https://goo.gl/mvyiqz
她說：「我好緊張，唔知講乜嘢，你講得好動人，我唔知講到點。我好記得第一次同你見面，你第一句說話係『你要多謝我，因為係我鼓勵咗個監製喺套劇用你。』」嘉穎聞言幽默補充說：「我鼓勵咗好多監製。」全場即時發出笑聲。
之後Grace續說：「當初我覺得呢個男仔好怪，第一次見面就講咁嘅說話，估唔到我哋拍拖之後，嗰句多謝係反映咗咁多意思。多謝你，我係一個好冇自信嘅人，喺我失望、對自己好冇自信嘅時候，你一定會鼓勵我要堅強、要釋懷，難過嘅時刻會過去，要諗住將來嘅開心，每一次你都係啱。多謝你教識我做人，我同你喺埋一齊就變成我哋，我哋組織家庭之後就變成佢哋，我好期待同你組織家庭。多謝你，同你一齊好幸福，同你拍拖第一日就已經好溫馨、好有愛，雖然有啲人話過多幾年就會冇，但同你一齊嘅時候就有呢種感覺。多謝你，帶畀我永遠嘅幸福。I Love You。」
(on.cc)
