鄭嘉穎同27歲港姐女友陳凱琳（Grace）今日喺峇里舉行婚禮，佢哋邀請咗好多圈中友人出席，包括馬國明、唐詩詠、林子善、黃嘉樂、黃智賢、陳嘉寶（Anjaylia）同黎耀祥夫婦等等，噚日佢哋已經飛咗去峇里觀禮。
祥仔、馬明佢哋噚晚抵達峇里機場之後，就坐旅遊巴返Bvlgari Resort 酒店，亦即係嘉穎同Grace今日行婚禮嗰間。
成班人返酒店梳洗同休息一陣之後，就去咗間印尼餐廳同鄭嘉穎、陳凱琳(Grace)食晚飯。嘉穎同Grace包晒場，大台喺網上播出一對準新人招呼親友嘅片。
兩人狀態超好！
見到Grace同嘉穎忙於招呼好朋友，嘉穎着住件黑色白間條長袖tee，一身便服打扮，佢同Grace都笑得好開心，特別係準新娘笑到四萬咁口。 
（綜合報道 / on.cc / apple daily）
