洗米嫂陳慧玲(Heidi)今日以評判身份到中環Gym Room，會見於下月舉行嘅《環亞美神大賽香港2018》嘅12位參選佳麗，仲同佢哋分享健美修身嘅心得，不過現場所見Heidi略帶病容，佢話：「因為腸胃炎屙咗好多次，但因為一早應承咗今日要過嚟，所以已經睇完醫生食咗藥，o依家好返啲啦。」
講到今年有份擔任評判，Heidi話自己選女仔有一套標準：「我唔會淨係著重佢哋五官，要好平均咁睇，最好係有健美嘅身型，鍾意運動，好似我咁。」
Hiedi又話除咗要湊女外，最近亦都花咗好多時間打理花店，所以趁o依家暑假大女返咗嚟，就準備一齊去旅行，佢話：「聽日就會出發，全家去俄羅斯旅行。」
咁老公周焯華會唔會一齊去？Heidi話：「梗係會啦，全家一齊去，Family Trip吖嘛。」
(蘋果日報)
