女星苟芸慧今日出席護膚品牌活動時，大方透露和賽車手男友陸漢洋的婚期，指會在今年10月19日於上水雙魚河鄕村會所簽字註冊，並會分兩日筵開酒席，每天邀請大約二百名嘉賓，她說：「日子係老公揀，因為佢傳統啲，想擇個好日。會分開兩日搞，第一日下午簽字同邀請我哋嘅朋友同同事，第二日就係邀請親戚。」
她透露姊妹團包括老友岑麗香、王君馨及李亞男等，問到鍾嘉欣會否出席？她說：「佢生完要休息，應該唔會嚟。（有冇安排玩新郎環節？）佢（陸漢洋）好醒目，取消咗呢個環節。已經準備晒大利是畀兄弟姊妹！」
至於會否搞Bridal Shower？她說原本打算在外地旅行時搞，但要視乎懷孕中的好友李亞男的狀況而決定舉行地點，因不想對方舟車勞頓。
(on.cc東網)
