張曦雯同袁偉豪喺中環出席一個手錶宣傳活動，由於袁偉豪近日忙於拍攝劇集《鐵探》、且劇中與余德丞有不少合作場口，故成追訪對象。
《鐵探》大部份都是外景拍攝，估計拍攝至9月左右。袁偉豪稱：「余德丞喺劇入面係同我一team隊員，今早喺群組得知佢入咗醫院消息，好突然。」他稱今晚要開工，故未能趕往醫院探望：「我會用心支持佢，呢個時刻我哋未必做到啲乜嘢，前兩日先同佢喺欣澳開工拍完戲。」
有傳日前袁偉豪同余德丞在香港仔碼頭拍攝該劇一場追捕戲，余德丞在戲中被炸死。以往拍攝這些戲份，當事人拍畢後都有利是收，但有傳余德丞當日沒有收到利是。傳媒曾就此事向該劇監製蘇萬聰求證，惟蘇已讀不回。袁偉豪今日受訪時就稱：「呢場戲係有拍過，當日仲係我爸爸走咗之後，我首日復工，已經係較早前，我唔想將呢兩件事拉埋一齊講，意外就係意外，佢咁後生又係男神，希望佢過到。」
「印象中佢身體狀況好健康，又係泳隊，冇乜壞嗜好同壞習慣，唔食煙唔飲酒，件事嚟得好突然，會為佢打氣同祈禱。」袁偉豪平日和對方合作也沒察覺異樣，劇組有足夠時間讓大家休息。
(蘋果日報)
