歌手鄧麗欣（Stephy）同台灣歌手邱勝翊（王子）公開「姊弟戀」後，不時喺網上高調「放閃」，之前已多次被粉絲大爆拍拖蹤迹，又日本又台灣，唔使開工仲即把握機會互飛見面！
今日東網又收到讀者爆料，指Stephy同王子及其家人同遊花蓮添！
雖然只得兩人嘅背面照，但都Feel到愛得幾咁黐纏！皆因佢哋高調得着埋情侶T恤，一白一黑，而件衫係王子嘅自家品牌，背面印上「PRINCE STAR」，驚死人唔知佢就係「王子」！而Stephy雖然戴Cap帽同黑超掩人耳目，但就熱褲上陣大騷長腿，鬼咁性感，點會唔畀人發現行蹤呢？
雖然兩人冇拖手，亦未見任何親暱舉動，但都散發着濃濃愛意呀～
(on.cc東網)
