「不過都會擔心Over Budget。藍天白雲，喺海邊附近撘個帳篷，仲一定要有Live Band，請最Close嘅朋友同親戚一齊食飯跳舞。。。」
藝人黃心穎日前為周大福拍攝以結婚為主題的宣傳短片，心穎與男友馬國明感情穩定，兩人更不時被追問婚期。
心穎自爆其中一位姐姐即將結婚，她幫忙籌備婚事時，亦不禁對自己將來的婚禮充滿幻想，連結婚形式、地點等都已經有計劃，拍攝短片當日對其中一枚5卡的鑽戒更是愛不釋手，看來離婚期不遠矣。
她說﹕「結婚一世人一次，我都希望可以自己着手去Plan，揀自己最鍾意嘅，不過都會擔心Over Budget。我最想去一啲與世隔絕嘅地方搞一個簡簡單單嘅婚禮，藍天白雲，喺海邊附近撘個帳篷，仲一定要有Live Band，請最Close嘅朋友同親戚一齊食飯跳舞，就係我夢寐以求嘅婚禮！ 」
心穎又分享早前幫姐姐籌備婚禮時的驚險事件：「家姐喺外地影Pre-wedding，點知去到當地唔見晒啲行李，連婚紗都唔見咗。我哋全家人好心急咁幫佢搵婚紗，諗住帶過去畀佢影婚紗相。好彩最後都搵得番啲行李同件婚紗，順利影相，家姐仲因為所有人都咁為佢而感動到喊。令到我自己都好感觸，突然覺得我哋四姊妹都長大得好快，有啲唔捨得。」
(on.cc東網)
