大美人李嘉欣（Michele）同老公許晉亨結婚十年，依然恩愛如昔。當年以41嵗高齡誕下兒子Jayden，她早前接受訪問說：「最難忘可以講係佢出世嗰一刻，因為之前真係picture唔到會有個人仔、喺手術室攞咗出嚟，喺你隔籬，仲喺度喊，個嗰係一個好震撼嘅畫面，真係好難忘。」
嘉欣坦言，作為母親，她一時是慈母，一時是嚴母，囝囝亦怕她多過怕爸爸許晉亨，有時亦要同步管理埋老公，但感覺幸福，「我有嚴肅嘅一面，但惡得多都會攰，有時都會用朋友之間方式相處，但母子之間唔係真係朋友，我需要管教佢，所以之會氹，會鬧，亦會同佢講道理。」
近日兩公婆仲去咗美國三藩市旅行，Michele喺社交網上載喺街頭同老公影嘅合照，留言話：「難得放風」網民估計兩人今次冇同仔仔Jayden同行，純粹過二人世界，所以先形容自己係放風。
相中嘅Michele同老公十指緊扣，而且步伐一致，Michele又將個手袋仔擺喺肚皮位置遮肚，加埋用手護肚嘅動作，有網民就好敏感猜測Michele係咪……有喜？
（綜合報道 / 微博 / on.cc / apple daily）
