盧凱彤走了，at17餘下林二汶孤單一人，她們相交相知18年，雖然曾經拆夥7年，但去年重組再走在一起，兩人的姐妹情不變，一個眼神就明白對方心思；今日，32歲Ellen匆匆的走了，二汶的電話一直關機，靜靜哀悼好友的離去，at17的紅館夢，成為永不能實現的夢想！
一肥一瘦的二汶和Ellen，當年各自組隊參加音樂比賽，兩人一見如故，經常一齊表演，建立了閨密情，其後二汶獲黃耀明賞識，有福同享的她，帶Ellen一起去試音，結果兩人順利簽給明哥的音樂品牌人山人海旗下，組合取名at17，01年推出第一首歌《始終一天》，成功打入年輕人市場。
at17並不是偶像組合，兩人憑着音樂才華和熱誠，在樂壇一步一步走向前，05年獲叱咤樂壇我最喜愛的組合，惟其後要在講求包裝、後台的樂壇爭扎求存，加上日積月累的磨擦，兩人最終都要向現實低頭，10年at17宣布拆夥，兩女分道揚鑣，二汶自資出碟，Ellen轉為幕後結他手，曾為陳奕迅的巡唱到各地彈結他，之後轉攻台灣，去年獲金曲獎「最佳編曲人獎」。
Ellen的成功，造就了分開7年的at17可以重組，去年12月假伊館舉行「Girls Girls Girls」演唱會，慶祝at17成立17年，當時兩女接受《蘋果》專訪，Ellen回首跟二汶的當年情：「有啲唔了解對方為自己嘅付出，原來林二汶幫我做咗咁多嘅，佢負責撩㷫觀眾、tag歌，我淨係埋頭苦幹練結他，到我solo先發現自己唔識hold一個騷，我就知道原來冇咗林二汶係咁辛苦！」
而二汶亦發現失去Ellen後，自己變了空殼：「當我唱MMO時，發現自己淨係識講笑嘅空殼，覺得自己好死！o依家走返埋一齊，互補令大家輕鬆咗，因為明白咗對方，同埋大咗有乜唔妥咪講，所以係好好。」
兩人再走在一起，發現大家都很關心對方，Ellen笑說：「佢最不滿咪係我瘦囉，我就覺得佢應該瞓多啲。」分開7年，Ellen的變化很大，數年前患了情緒病，今年更公開「出櫃」自揭已婚，二汶坦言：「兩單嘢對我都好大打擊，我知你病時，我個心係覺得，點解我唔喺你身邊，如果我哋仲一齊會唔會咁呢？我唔知，可能更壞啲，我未必幫到手，但我係有怪自己，嗰個時候原來衰到我差啲就冇咗你！」
2012年 林二汶.翻兜前度音樂會
那些年，二汶曾親眼目睹Ellen病發情況：「好肉赤！佢喊得好勁，失控喊但冇聲，當時仲好細個，亦唔知係病嚟，佢好快冇事，我又唔敢問點解。」二汶更擔心Ellen會做儍事：「但我覺得如果真係咁，唔緊要，呢個係選擇，我會傷心，但我尊重。」Ellen解釋：「其實躁鬱症會令人處於情緒波動，當然會諗過輕生，所以要用藥物控制，只係一個病，你有負面思想唔係因為你嘅錯、懦弱、世界好壞，所以食番藥冇事。」
(appledaily)
