天后王菲三母女將會首度同時亮相《幻樂之城》，節目總導演安德勝尋日接受大陸媒體訪問：「竇靖童作為唱演人的那期節目，很快就要和大家見面，屆時觀眾將會看到一個前所未有的王菲，而李嫣也將以觀影人的身分作客《幻樂之城》。」
《幻樂之城》官方微博亦啱啱發布咗下星期五、即下月10日嘅預告，片中見到王菲與竇靖童、李嫣三母女喺台上擁抱！童童被主持人問到點解會上節目，童童就答：「我媽叫我來的」，王菲聽到即刻笑到成個少女咁！
後來佢又被問到覺得阿媽係咪一個好嘅幻樂體驗官嗎，未知道童童點樣答，但王菲就表現得好大反應回咗一句：「胡說」，唔知童童係咪爆咗啲唔爆得嘅嘢。
另外，內地一向對有紋身藝人有出鏡限制，而預告片中未見竇靖童臉上嘅紋身，未知係用化妝遮蓋定係靠電腦執走。
(on.cc東網)
