【條裙原本拉唔到拉鏈】葉翠翠產後首復工：冇節食，都係靠…

葉翠翠誕下細仔小小王子後今日首次復工，現身灣仔會展BB展，雖然未完全修身，不過精神好飽滿。

翠翠透露未有節食減肥：「生完一定唔可以減肥，所以我冇節食。原本呢條裙都拉唔到拉鏈，諗過唔嚟，直到上星期著到條裙，我都係靠按摩同食補充品。」

記者提議佢再生就唔使減肥，翠翠笑謂：「我依家都無左半條人命，再生連嗰半條都無埋。」另外，提到早前於網上投訴工人搣大仔嘅鼻哥引發網民對罵，佢話：「工人都有道歉，佢有繼續做，其實好少事啫。唔緊要，大家諗嘢唔一樣，有人認同，亦總有唔同人嘅意見。」

(蘋果日報)