狄波拉同老公鬍鬚Kong、陳淑芬等，噚晚出席圓方出席一間泰國餐廳嘅開幕禮。狄波拉話十多年前霆鋒帶佢去到泰國幫襯呢間餐館，拉姑話：「霆鋒話我係泰國人，有冇嚟過呢間餐廳食嘢，令我好難忘。」拉姑今次就推薦朋友將餐廳引入香港。
拉姑話霆鋒o依家成日整嘢食，未正式做《鋒味》之前，經常到拉姑朋友嘅餐廳廚房玩烹飪，拉姑話：「霆鋒一有時間就整嘢俾我哋食，佢整俾我哋食嘅嘢，我都唔識煮，所以冇得唔滿意。」
大孫仔謝振軒(Lucas)噚日11歲生日，問到拉姑有冇同孫仔一齊慶祝，拉姑話：「有見到，會同爸爸慶祝，送乜唔使講，見到佢哋快高長大就開心，佢哋好有禮貌，好有規矩 ，教得好好，凡事講唔該，我同霆鋒都覺得媽咪(栢芝)教得好好，好有禮貌，好有家教。」
陳淑芬表示隨後會忙於籌備音樂劇，之前做《風雲》音樂劇亦會考慮做國語版，對於鄭嘉穎忙結婚，問有冇時間演出？陳淑芬話：「未知，如果真係(結婚)叫佢請我。」
(蘋果日報)
