【醫生縫咗幾層】阿Sa：已經破相

藝人蔡卓妍（阿Sa）出海滑水卻遇上意外，左邊眉上位置爆晒缸，她上載照片到社交平台後，不少粉絲都留言指傷口很深，非常心痛。

事後阿Sa接受訪問時表示：「啱啱先可以企喺個浪度滑，都仲未甩繩。落水嘅時候，其實個人同塊板都分開咗㗎喇，不過咁啱有個浪沖番塊板過嚟，撞到個頭囉，即晚搵醫生縫針，唔知縫咗幾多針，因為縫咗幾層，個醫生話佢都冇數，同埋打咗破傷風針。」她更笑言已經破相，但唔擔心有疤痕：「可以加character囉，刀疤Sa，哈哈！」

問到可有影響工作？阿Sa指現時要黐膠布：「好彩嚟緊套戲做警察，有傷口都好合理嘅，不過好似都要改少少劇本，覺得唔係咁好意思，或者之後帶打拳嗰啲頭盔囉，哈哈！不過依家唔浸得水，要等個傷口好番，都可能要下一個夏天先再玩得。」

（on.cc）