直認同佢合作後，唔可以話冇好奇，加上兩人喺劇中產生嘅化學作用太好關係，所以傳出緋聞，之後又直認曾發展地下情，但絕對唔會留下愛嘅痕跡畀外界發現。。。
人氣韓劇《金秘書為何那樣》嘅「雙朴」朴敘俊及朴敏英近日傳緋聞傳到甚囂塵上，韓媒仲爆二人隨時會宣佈婚訊，雖然講到言之鑿鑿咁，但雙朴都係例牌否認戀情。
而拍畢《金秘書》後，雙朴都有各自接受韓媒訪問，當中繼朴敘俊噚日受訪時暗示同朴敏英有戀愛嘅可能性後，表示：「因為演員得帶住覺得對方討人喜歡嘅想法嚟演戲，所以我無法保證（戀愛嘅）可能性。」
朴敏英受訪時都直認同朴敘俊合作後，唔可以話冇好奇，加上兩人喺劇中產生嘅化學作用太好關係，所以傳出緋聞，但強調報道指二人拍拖嘅證據都唔係事實，兩人根本冇拍拖，覺得被指拍拖大感委屈。不過朴敏英直認曾發展地下情，但絕對唔會留下愛嘅痕跡畀外界發現，唔知佢講緊嘅又係邊個呢？
另外，雖然《金秘書》已爆出大結局，但劇組繼續公開花絮片答謝觀眾嘅一直支持，當中包括就係結局時兩人浪漫行婚嘅片段，二人煞科時仲互相攬攬來告別《金秘書》，朴敘俊仲好似唔捨得咁，即時眼濕濕。
(蘋果日報)
