藝人沈卓盈（Jess）到九龍城出席新劇《特技人》宣傳活動，與一眾演員大玩室內賽車。提到譚俊彥與她及小演員齊齊從剛播畢的《天命》穿越，到新劇再演一家三口，Jess才驚醒說：「係喎！《天命》我好早死咗，好開心呀今次唔使死，可以靚又唔使做特技。」問今次是否只賣靚樣？她兜個圈讚自己說：「又靚又能幹，即係做自己囉！」
問是否已執好行李出席好姊妹陳凱琳的海外婚禮？Jess表示：「我都冇請假，報咗好多課程，學國畫、寫大字同學游水，我要做個好學生要學識晒！見佢公布咗婚禮，超級開心。（幾耐冇見？）都五個月，大家各有各忙，想夾時間再約。（冇請你覺得失望？）唔會，我哋都戥佢開心，唔會呷醋。」
提到有傳陳凱琳已經懷孕，下次見面要準備多一份禮物？Jess笑言：「吓，我唔知呀，見到佢我哋會抱住佢錫錫恭喜佢。（爬你頭？）唔嬲呀，開心死！」
(on.cc東網)
