藝人鄭希怡（Yumiko）嘅囡囡梁浸浸一向都古靈精怪，性格又非常活潑，年紀細細已經識踩單車、游水同滑雪，咁叻女，你話點可以唔鍾意佢？
Yumiko近日就帶咗梁浸浸去主題樂園玩，連日來都有將囡囡嘅萌相放上社交網同網民開心share，佢透露原來囡囡一到達樂園就已經唔小心跌到膝頭哥流血！
不過，梁浸浸遺傳到媽媽Yumiko硬朗性格，冇扭計之餘，仲立即起身繼續玩，非常之叻女！
兩母女除咗去玩旋轉木馬外，仲去咗聽故事，Yumiko喺等緊囡囡之際，童心未泯嘅佢都唔執輸，大玩填顏色。
假期夠晒充實，相信佢兩母女都好難忘。
(on.cc東網)
