日前在深水灣大宅設豪門夜宴款待貴婦們，令6,000呎豪宅曝光，原來呢間豪宅係佢送畀未來奶奶嘅禮物，認真識做。留言：「豪宅設宴，360度無敵維多利亞海灣夜景。」
38歲吳佩慈為百億男友紀曉波誕下1女2子，獲贈200億新台幣（51.3億港元）、半山區4億港元豪宅、12億新台幣（3.07億港元）股票做獎勵，令吳佩慈擠身富婆行列，未來奶奶紀母崔麗杰對佢都寵愛有加，去年送上10.4卡巨鑽畀吳佩慈做生日禮物。日前紀母在深水灣大宅設豪門夜宴款待貴婦們，令紀母嘅6,000呎豪宅曝光，原來呢間豪宅係吳佩慈送畀未來奶奶嘅禮物，認真識做。
紀母招呼貴婦們到天台欣賞夜景，有貴婦拍下良辰美景短片擺上微博，留言：「紀曉波媽媽豪宅設宴，360度無敵維多利亞海灣夜景。」從短片所見，天台除咗有無敵靚景，更坐擁私人泳池同花園，仲有紀母同美國前總統奧巴馬握手合照，有指豪宅係吳佩慈前年一炮過擲4億港幣買下，包括50樓及51樓兩戶，總面積約6,000呎。
當晚出席豪門夜宴嘅貴婦包括呂良偉老婆楊小娟，佢同紀家私交甚篤，今年5月楊小娟生日，紀曉波帶埋吳佩慈到賀，吳佩慈更大晒手上巨鑽。
(蘋果日報)
