Jade上戴咗條片，片中佢拖住囡囡現身香港機場，剛剛上星期生日嘅兩歲Jovia，表現超興奮，佢邊跑住行邊嘩嘩大叫，十分可愛。。。
今日係關心妍（Jade）39歲正日生日，噚晚佢老公楊長智，同囡囡楊榮心（Jovia）同佢慶祝生日，Jade就喺Instagram放閃，有佢心命中最重要嘅兩個人老公同囡囡吻賀，Jade笑到心都甜，留言話︰「今年好充實的39歲生日，我已是兩歲女兒的媽媽，妍亮生命慈善基金創辦人，還有妍亮生命歌唱學院的關老師！感恩！感謝每一位家人朋友歌迷的愛，我全部收到。」
而前一日，Jade上戴咗條片，片中佢拖住囡囡現身香港機場，剛剛上星期生日嘅兩歲Jovia，表現超興奮，佢邊跑住行邊嘩嘩大叫，十分可愛，媽咪Jade留言寫住︰「自從上次去完布吉之後，一直話要再坐airplane，今年生日就滿足心心啦！點知一入到機場有個傻豬心，就笑唔停仲要笑到尖叫，夢想成真可以去搭飛機，真係開心到呢！」原來小Jovia鍾意坐飛機，上星期佢生日時，媽咪帶佢坐飛機，去咗日本旅行。
此外，Jade今年以「Shining Life Music」為名的音樂治療學院，選址喺銅鑼灣，學院將於8月開幕。Jade為成立學院，早排同老公搵場地、做會計、搞裝修、貼隔音綿、就連清理垃圾都一腳踢，Jade話︰「地方小小，但都算設備齊全，洗手間都係自己佈置粉飾一下，希望以最低的成本搞掂，傢俬就同老公去買，我特別買了一個小型餐車，哈哈！其實我煮嘢幾叻㗎，有時可以焗吓蛋糕麵包，學生上堂都可以relax啲。」啲學生有口福囉！
(蘋果日報)
