去年4月，歌手江若琳（Elanne）喺網上宣布與前組合Bliss成員、「生煎包王」蕭潤邦（Oscar）拍拖，今年12月尾更會拉埋天窗，真係幸福滿瀉。
拍拖四年半婚事告吹
不過，今日有消息指蕭潤邦原本有一個拍拖四年半的空姐女友Charmaine，二人感情相當穩定，Oscar亦見過女友家人，並計劃了在2017年買樓結婚，可惜婚前二人旅行期間發生爭拗，最終令婚事告吹。有指在二人冷戰期間，Charmaine被人乘虛而入因而痛失男友，至今仍未釋懷經常透過社交網上載昔日與男友的纏綿照片回憶及懷緬。
「會好好保護江若琳」
對於傳聞，蕭潤邦就喺ig表示：「我計計數，如果同前女分手大半年再拍拖，而現在女友咁都算係小三的話，一個普通人都可能拍過好幾次拖，咁咪要計埋我前前女友、前前前女友…我現女友已經唔係小三咁少了。如果該雜誌或所謂知情人士目的係令到我們唔開心的話，sorry，對於我們來說，實在太無聊，所以唔想再作任何回應，大家都已經有新嘅生活，只係希望各位傳媒朋友高抬貴手，唔好打擾到過去嘅朋友，至於我嘅現在、將來，我一定會好好保護江若琳，多謝大家關心！」
(on.cc東網)
