藝人鄭嘉穎與女友陳凱琳父女戀開花結果，下月12日將會在峇里舉行小型婚禮，計番條數，唔夠兩個星期佢哋就會成為正式夫妻真係恭喜晒！
不過近日喺網上就有「贈興」嘅消息流出，指陳凱琳不停關注鄭嘉穎舊愛周麗淇嘅IG，不時會點讚但冇follow對方，有網民推測佢嘅舉動，話係因為鄭嘉穎一直都放唔低周麗淇，兼且喺心目中佔有一席位，所以陳凱琳先至會呷醋，默默咁留意住未婚夫深愛着嘅前度女友！
查一查資料睇番，陳凱琳的確冇follow周麗淇嘅IG，亦都有點讚過，不過次數都係好久唔久先至發生一次，相信有咁嘅傳言，都係部分覺得鄭嘉穎同周麗淇好襯嘅人諗出嚟嘅情節啫！
(on.cc東網)
