林夏薇同周志文等今日喺屯門出席商場活動，對於喺新一集《美女廚房》獲得負48.8分，佢解釋：「我好俾心機去煮，第一次煮瀨尿蝦，唔識處理。雖然有興趣（煮嘢食），但係媽咪唔俾我入廚房，叫我遠離火種。」
問佢怕唔怕嫁唔出？佢就笑住話：「我相信離嫁嘅距離，我仲有時間去準備自己，我最拿手係煮蕃茄炒蛋、麻婆豆腐。」
朱晨麗在最新一集《美女厨房》包尾
何廣沛肯犧牲呀！
問到周志文以男士角度，唔識煮嘢食嘅女仔會唔會扣分？佢話：「朱朱（朱晨麗）外表都加晒分，當然識煮梗係好，可能我去學煮。」
朱晨麗表示如果男仔識煮會好man，問到緋聞男友何廣沛識唔識煮？朱晨麗話：「我未試過食佢煮嘅嘢，反而佢試過我煮嘅嘢。」問到周志文嘅緋聞女友劉佩玥識唔識煮？佢笑指劉佩玥嘅廚藝都係拎負分。
（apple daily）
