藝人單文柔及伍樂怡下午到灣仔出席活動，席間一展廚藝。
不過「無爐煮食」卻被大會安排拿着「煎pan」（陳展鵬暱稱）拍照，似有抽水之嫌！身為女友的單文柔卻大方回應：「無傷大雅，最緊要大家開心！（今次酬勞好高？）開心價，希望嚟緊活動酬勞再高啲。」她直言不介意情侶檔出席活動：「最緊要係健康嘢同舒服啫。」
下廚環節時單文柔透露有試過煮早餐給男友食，大方放閃：「整all day breakfast同果汁飲品，佢都幾滿意。（佢冇彈過妳？）試過整果汁我加咗啲新果種，佢覺得味道怪怪，叫我唔好再試，但佢都食晒嘅。」
談到拍拖節目，她表示除「煮飯仔」外，亦會孖住做運動：「佢教我打高爾夫球，話我有天分。（真係成日讚妳喎。）又唔係，佢都會好嚴肅咁教育我，要追上佢嘅運動細胞，我仲有排先得呀。」至於她獲陳展鵬粉絲接受，單文柔說：「開心嘅。（加速結婚？）要睇情況同緣分，我想事業行先，感情再穩定啲先講。」
(on.cc)
